Kremaro (Closed)

新開張一排，門面用綠色餐車設計幾特別，經過好多次，睇住佢裝修到開張，本身以為淨係得咖啡賣，咖啡就唔岩我啦。但有次見朋友買左個Bagel，令我都心思思買左個試下，簡左芋泥既Bagel。賣相見到都幾吸引，而且仲係暖既，呢樣真係加分！味道方面，Bagel口感煙un，芋泥唔知道係咪自家製？味道幾好，甜度適中，有芋頭味。貪心既我略嫌細左d，如果唔係可以當正餐食，如果可以再多d芋泥就更加好，哈哈！另外見到有軟曲奇賣，有伯爵茶味，幾特別，下次會再試下。