Video
Read full review
2022-05-25
374 views
👭🏻上次同妹妹食過太古分店。小編鐘意香濃奶油味嘅烤雞卡邦尼年糕， 而妹妹就鐘意大啖肉骨膠原豬手。行完崇光感謝祭，去銅鑼灣分店補充體力剛剛好～🍳番茜海鮮蛋包飯（$138）：鹽水煮青口及八爪魚，海老剖開再灑上海鹽及番茜葉已經好足夠。嫰滑嘅蛋漿蓋住嘅係牛肉雜菜粒炒，配以濃郁嘅番茜醬，入口有強烈嘅香料提神味道。鍾意番茜嘅朋友唔好錯過～🍗烤雞卡邦尼年糕（$92）：再次大讚烤雞！水準有保證，雞皮入口同樣香脆唔會油膩，雞件肉質嫰滑。灑上芝士碎及少許辣椒粉調味嘅卡邦尼年糕有嚼勁！濃香奶油～🥗韓式豬手沙律（$92）：呢間分店嘅豬手以瘦肉為主，豬皮輕薄嘅一層，既能夠帶出油脂香，但又唔會有油膩感。比較太古分店，小編更喜歡銅鑼灣嘅豬手。🍗清爽番茜有骨炸雞（$118）：番茜醬配炸雞實屬一個新奇配搭，但又出奇地無違和感。薯條口感有層次，外層香脆，內層依然食到薯仔嘅軟糯。🍫烤朱古力棉花糖（$78）：棉花糖於烤焗後添加朱古力醬及朱古力碎片，再於表面灑咗一層輕薄嘅糖粉。棉花糖外層微脆，內層軟且暖。配搭餅乾享用，滿滿的幸福感。🍵濟州綠茶咖啡 （$48）：分層鮮明，奶蓋，咖啡，最後係綠茶。顏色鮮明，入口綠茶味濃郁。小編最鍾
🍳番茜海鮮蛋包飯（$138）：鹽水煮青口及八爪魚，海老剖開再灑上海鹽及番茜葉已經好足夠。嫰滑嘅蛋漿蓋住嘅係牛肉雜菜粒炒，配以濃郁嘅番茜醬，入口有強烈嘅香料提神味道。鍾意番茜嘅朋友唔好錯過～
🍗烤雞卡邦尼年糕（$92）：再次大讚烤雞！水準有保證，雞皮入口同樣香脆唔會油膩，雞件肉質嫰滑。灑上芝士碎及少許辣椒粉調味嘅卡邦尼年糕有嚼勁！濃香奶油～
🥗韓式豬手沙律（$92）：呢間分店嘅豬手以瘦肉為主，豬皮輕薄嘅一層，既能夠帶出油脂香，但又唔會有油膩感。比較太古分店，小編更喜歡銅鑼灣嘅豬手。
🍗清爽番茜有骨炸雞（$118）：番茜醬配炸雞實屬一個新奇配搭，但又出奇地無違和感。薯條口感有層次，外層香脆，內層依然食到薯仔嘅軟糯。
🍫烤朱古力棉花糖（$78）：棉花糖於烤焗後添加朱古力醬及朱古力碎片，再於表面灑咗一層輕薄嘅糖粉。棉花糖外層微脆，內層軟且暖。配搭餅乾享用，滿滿的幸福感。
🍵濟州綠茶咖啡 （$48）：分層鮮明，奶蓋，咖啡，最後係綠茶。顏色鮮明，入口綠茶味濃郁。小編最鍾意上面啲小丸子，香甜軟糯，賣相可愛。
☕️焦糖脆脆鮮奶咖啡（$48）：奶泡，咖啡，最後係焦糖牛奶。有層次感，咖啡味相對焦糖味濃，微甘。頂層有焦糖脆脆，打卡影相幾靚～
☺️整體而言：
1. 另收服務費，店員行為迅速。
2. 食物賣相造型不俗，味道不錯。
3. 經常爆滿，如欲享用晚市，建議預先訂位。
반찬앤쿡 Banchan and Cook
地址：銅鑼灣勿地臣街1號時代廣場9樓922-923號舖
電話：23268728
營業時間：12:00-22:00
#香港食好西 #銅鑼灣 #韓式 #炸雞 #香港 #野生代言人
Post
