Lucky U

Open Now

Now Closed

荃灣有一間幾特別嘅餐廳,在九時前有一個happy hour時段，飲品做特價，十時後會配合喜歡飲酒嘅朋友到來消遣，營業時間至凌晨4時。晚餐嘅菜式質素唔差，原隻波士頓龍蝦法邊豆油浸車厘茄冬陰功辣番茄汁天使麵$228，龍蝦肉質鮮甜，肉汁豐盛，自家製嘅冬陰功醬汁 ，製作非常可口，蟹鉗肉質爽口彈牙，原隻龍蝦大大隻，絕不欺場，由龍蝦頭到尾同樣好味，放在龍蝦底部個番茄汁天使麵龍蝦汁流進入天使麵裏面，整個麵把龍蝦嘅鮮鎖住，配合新鮮番茄嘅清甜，天使麵嘅爽滑，加上惹味冬陰功嘅辣，多種味覺集於一身，令你食不停口，大廚嘅功力真係工不可沒。飲品方面都好有質素，在九時前happy hour時段，飲品有優惠價，一個 l am not a mango$58,多種嘅新鮮果汁，熱情果味濃郁，清甜潤喉， 菠蘿嘅芬芳，橙汁濃密甜美，幽幽香氣嘅清爽梳打，多種新鮮果汁集於一身，優勝於別家的，值得一試。另一款飲品 Manzana$58,有蜜味蘋果汁,芳香嘅青蘋果汁，配上呢個清香青檸梳打水，在現今嘅秋高氣爽時分，清爽又潤喉，飲後令你心曠神怡，精神一振。