添添鮮果汁

Open Now

Now Closed

正所謂，每逢佳節重三斤，中秋食月餅食到滯晒，加上天氣悶熱，午餐整杯鮮搾果汁真係健康又清新，我宜家一星期起碼有一日以鮮搾果汁做午餐，順便讓腸胃休息一下。鮮搾果汁最緊要材料新鮮，即搾即飲，某些水果有强勁酵素，飲完舌頭有輕微麻痺，大商場連鎖店雪櫃中的瓶裝果汁真係無得比。身為紅磡街坊，每日都見添添入貨，送來的水果都係高級進口貨，識貨的街坊早就成位熟客，我當然係其中一個啦。又咁啱，睇咗 BBC 一篇一百種有營養的食物，杏仁居首位，對心血管有益，咁就整杯杏仁、菠蘿加香蕉，杏仁落得重手，大大杯，加上香蕉同菠蘿，香滑有纖維，唔會太甜，飲完有小小飽肚。問老闆，呢杯嘢有乜名堂，佢話未諗到，我提意叫 BBC1 啦，話晒我都係因為 BBC 報導先點呢杯嘢，平時我飲開燕麥，合桃加藍莓咋。