三公台灣料理 (Closed)

本身係樓下睇緊Bearbrick開倉，係一樓居然有一排1000%係窗邊，原來係一間台式Cafe。仲要開咗冇耐，就食個晚飯試吓。有滷肉飯、拌麵、小食、台飲、甜品等供應。今次就食海苔銀魚滷肉飯、香酥排骨椒麻拌麵、安平蝦卷拼淡水花枝餅，仲有個好eye catching嘅Black Pink 鹽酥雞。鹽酥雞個顏色好搶，黑色脆皮加上粉紅色嘅沙律醬，而且味道仲好好添。安平蝦卷拼淡水花枝餅都好好食。主食會跟埋沙律，銀魚炸得香口，滷肉飯有大量冬菇粒，唔會有油膩感。椒麻拌麵都好惹味。跟餐加錢可以轉其他台飲。最後仲加咗個甜品百香果白玉愛玉。呢個真係好咁食完炸嘢食，白玉QQ彈、愛玉滑漏，加埋百香果仲有青檸汁酸酸甜甜好醒神。