Video
Read full review
2019-12-27
229 views
12月工作上忙到痴咗線，但難得一日早放到工，就決定搵個friend啤啤佢，訴下苦水😅。作為半個西環街坊，間唔時都會嚟soho hea下，之前已經嚟過一次呢間酒吧，因為有手工啤🍺。呢晚撞啱食飯時間，所以一於喺到食埋野，唔使轉場咁麻煩。酒吧位置係半山扶手電梯隔離一條街，所以都稱得上靜中帶旺。除咗手工啤外，我鍾意呢間酒吧光光猛猛，適合同朋友吹水聚會，唔係污煙漳氣嗰種🙈。裝修唔錯，有好多啤酒樽、海報同有啲聖誕裝飾，成個感覺好causal舒服。再者，呢到唔收加一，又唔會俾侍應chur你開酒哈哈。呢日因為喺到食埋嘢，所以望清楚menu有乜食。原來星期二、三做緊combo set買一送一，抵喎！不過一份嘅份量都超多，女仔我都幾肯定食唔哂，因為有好多肉🍖。以酒吧嚟講，食物選擇算多同吸引，唔係一味薯條同墨西哥脆片😂，另外仲有甜品添。酒吧有提供幾個combo sets揀，主要係🍗肉同🥪三文治。我哋就要咗Combo A($250)，肉類可以四揀二，Beef Brisket by 1/4 pound(牛腩)、Pulled Pork by 1/4 pound(手撕豬肉)、Homemade Sausage by
12月工作上忙到痴咗線，但難得一日早放到工，就決定搵個friend啤啤佢，訴下苦水😅。作為半個西環街坊，間唔時都會嚟soho hea下，之前已經嚟過一次呢間酒吧，因為有手工啤🍺。呢晚撞啱食飯時間，所以一於喺到食埋野，唔使轉場咁麻煩。
酒吧位置係半山扶手電梯隔離一條街，所以都稱得上靜中帶旺。除咗手工啤外，我鍾意呢間酒吧光光猛猛，適合同朋友吹水聚會，唔係污煙漳氣嗰種🙈。裝修唔錯，有好多啤酒樽、海報同有啲聖誕裝飾，成個感覺好causal舒服。再者，呢到唔收加一，又唔會俾侍應chur你開酒哈哈。
呢日因為喺到食埋嘢，所以望清楚menu有乜食。原來星期二、三做緊combo set買一送一，抵喎！不過一份嘅份量都超多，女仔我都幾肯定食唔哂，因為有好多肉🍖。以酒吧嚟講，食物選擇算多同吸引，唔係一味薯條同墨西哥脆片😂，另外仲有甜品添。
酒吧有提供幾個combo sets揀，主要係🍗肉同🥪三文治。我哋就要咗Combo A($250)，肉類可以四揀二，Beef Brisket by 1/4 pound(牛腩)、Pulled Pork by 1/4 pound(手撕豬肉)、Homemade Sausage by 1/4 pound(腸)同Roasted Chicken by 1/2 piece(烤雞)。另外，仲有兩條Fried Pickles(醃酸瓜)，同三揀二伴菜，Potato Salad(薯仔沙律)、Mac’N Cheese(芝士通粉)同Coleslaw(椰菜絲沙律)。雖然好多選擇咁，但好快就揀到😛。
呢個Combo A真係超豐富，雖然上碟時就覺得係乜嘢都有啲，但好似唔係好多咁，點知食食下就知原來好飽。我哋要咗🐮牛腩，係長身一片片嘅，有3大片，口感同平日港式粉麵嘅牛腩好唔同(一嚿嚿四方的)，第一次食西式牛腩，幾得意；而🐷手撕豬肉一絲絲好正，有濃濃嘅BBQ味，似Back Ribs去骨版，肉質一啲都唔鞋，應該叫多2片包包嚟夾就一流。兩款肉其實都幾出色，因為夠Juicy之餘，仲好香煙燻味，拿捏到慢煮嘅精髓，無諗過酒吧出品都咁講究。
Combo A
$250
12 views
0 likes
0 comments
伴菜就要咗🥔薯仔沙律，呢個幾唔錯，首先我自己不嬲都係薯仔控，第二係除咗薯仔外，沙律仲有唔少蛋🥚。另一款要咗芝士通粉，呢樣就麻麻，係熱、係拉絲🧀，但通粉太淋了，味道亦有啲寡。至於兩嚿炸酸瓜就好正，解解食咗咁多肉，除咗炸外，其實都仲有幾片🥒。
Lemon Pepper Chicken Wing
$98
5 views
0 likes
0 comments
由於食唔落多個combo，就要咗份🐔Bone-in Chicken Wing($98)，雞翼有幾款口味揀，包括buffalo、honey garlic、lemon pepper同explosive。由於怕太辣，所以要咗🍋檸檬黑椒，檸檬嘅酸配上黑椒嘅麻好惹味，雖然係用上2種好大路嘅食材，但呢個組合唔係周圍食到，推介😊。而且份量都幾多，有成8隻雞翼/雞鎚，仲有啲西芹添。
甜品就加$30要咗個蘋果批🍎🥧，原價要$65，造型方面，就有啲搞笑，圖文不符，你唔會想像到呢個係一個批😅，比較散開同扁咗。不過味道方面就同正常蘋果批無乜分別，果肉同皮都比較淋，重肉桂味，上面有球雪糕🍨。
最後就緊係要講埋杯啤酒啦🍻，我要咗FUXK ART THIS IS JUICY($78)，產地係丹麥🇩🇰，酒精含量唔算高5%。呢杯都幾易入口，唔苦，啱女仔飲，不過唔濃果味。其實都有幾多款啤酒想試下，但有啲都sold out，如果多個人，可以嗌個Beer Platter，咁就飲到6款！而家嗌一杯，都能夠飲成晚了。
總括嚟講，呢晚係有意料之外嘅收穫，因為除咗飲杯啤酒吐下苦水外，食物有特色，味道又唔錯。Combo份量其實都幾多，如果唔係當晚餐，都應該夠3條友，依間酒吧係可encore之列👌。
Post
