Bellevue Bar and Grill (Closed)

原來旺角呢個鬧市都有好寧靜既一面,一黎到呢間餐廳就有遠離煩囂既感覺。叫左個芝士拼盤,望住個日落嘆世界。拼盤有多款芝士,好正呀!有香脆法包加新鮮哈蜜瓜,仲有少少沙律咁。岩晒愛健康既我。燒珍寶帶子好巨型,賣相相當精緻,有網狀既裝飾,帶子外面燒得好香,裡面好肥美。而甜品就叫左兩球朱古力雪糕,個玻璃杯亦係相當有睇頭。呢度好有FINE DINING既感覺,特大玻璃窗都好有睇頭架。店員服務都幾周到,加上呢度環境怡人,可以再來。