Yo Mama - Frozen Yogurt (Closed)

去灣仔同小雞食飯，途中經過左Yo Mama，不禁諗起當日下晝食過的Berrygood。突然好想作一個比較，就入左去買杯試試。Yo Mama的舖面比Berrygood大好多，入面又好多位可以坐，裝修又係簡單得好雅致。價錢就比中環的對手平幾蚊，但topping就同樣地$5一款。味道方面睇唻每日都只係得原味同綠茶味。要了一個原味，免費的topping揀了mochi。味道方面又如何？乳酪酸味不夠，但牛奶味道十分香濃，只是感覺不似乳酪。質感比Berrygood的更挺身，即使攞左出去三十幾度的街上食都好耐未溶。Mochi係大大片的，面頭又係有啲粉末，令到口感更好脆。可惜一點兒咬口都冇，有米的香味但太林了。不差的，但相比之下，小弟還是覺得Berrygood乳酪的較出色。