Honbo

Open Now

Now Closed

早前見到朋友推薦，口碑唔錯嘅honbo. 今日終於的起心肝去灣仔試試佢。首先佢有三間分店 -灣仔/中環/荃灣，我哋今日就去咗灣仔鋪(第一間鋪)，位置非常偏遠，佢係金鐘同灣仔中間🙂，仲要行條好長嘅樓梯，我建議專程去朝聖嘅朋友可以去其他分店😂😂我哋星期日8點鐘去到都無乜人，唔洗等位👍🏻入到去舖頭環境裝修正常，座位唔多，應該容納到10至20個人，坐得有啲迫。我哋叫咗2個Honbo 1.5 @$138(未計加一)，加一杯ginger lemonade $38 ，本身諗住叫薯條不過waitress 同我哋講得返最普通嗰種薯條🍟，其他都賣晒，所以我哋無特別叫到薯條。Honbo 1.5 : 牛味香，份量充足，加上炒洋蔥，底面煎到好燶不過唔會有苦澀味，口感會有啲脆口。略嫌鹹咗少少🤏🏻個包係無醬汁嘅，我會落少少千島醬咁食🍔 （8/10）Ginger lemonade: 簡單一句：太酸，飲到一半都飲唔到落去，連我朋友平時好鍾意食酸野都飲唔到落去😂😂😂建議下次可以就咁叫lemonade ，會無咁酸🥲🥲 （3/10）味道中上，位置偏遠，份量正常，價錢略貴。