NODI Coffee Brewer (遮打大廈) (Moved) New Location

中環打工仔每日飲杯咖啡是常識吧！雖然公司都有提供咖啡，但味同餿水，都係無辦法，日日都係出去買。 Arabica 太遠， Starbucks 又唔係我杯茶，依排我既一大班同事至愛係依間 Nodi。依間 Nodi 地方細細，但經過一定唔會 miss out，因為一群人係度等緊拎 coffee，雖然見佢地已經快手快腳，無一個係行行企企呃飯食，但奈何 order 太多，尤其是 lunch time，真係做到無停手，工作人員不斷將 Meiji 鮮奶送黎開箱，一個收銀，4個沖緊咖啡，咁細間鋪頭容納緊6個工作人員你都咪話唔勁。食過佢啲 Hazelnut muffin，粒粒 halzelnut 同埋都幾鬆軟，不錯。 等左大概十分鐘，主角來了，我心愛的 flat white，我次次黎都會帶自己私家 Starbucks 杯，每杯咖啡可以減 4 蚊事小，最緊要係可以嚮應環保，每人每日一杯咖啡，每人一個紙杯，其實真係好浪費！Nodi 既 Flat White 好重咖啡味，好香濃，唔會酸，好滑，full body，溫度恰好，每日飲一杯維持生命所需。