Video
Read full review
2017-07-30
479 views
今日同朋友經過佐敦，諗住去澳牛食個LUNCH，點知排長龍。見到對面有間新餐廳，就過去睇吓，見到門口寫住全日免收加一，啲套餐又幾抵食，一於入去試吓。店內裝潢……睇唔出係咩風格，一邊牆有啲黑膠唱片，另一邊牆就畫咗啲食物，但全店都係卡位，坐得幾舒服，而枱面就有啲圖案色澤鮮艷嘅瓷磚。以黑膠唱片裝飾全日特價餐，真係幾抵，幾十蚊咋。最貴嘅西冷牛扒套餐都只係$88漢堡套餐，睇相就好大份，款式都唔少，加$25可以升級瘋薯，飲品方面加$25仲可以飲英國手工啤酒等各種酒類。我地想叫雙層安格斯芝士漢堡，店員溫馨提示話呢個餐通常啲食客都係share食，因為幾大份量。仲有優惠加配: 每款套餐如果加配以下三樣野其中一樣都可以減＄20。優惠加配我哋揀咗香濃龍蝦忌廉湯，原價＄48，而家即係＄28。飲落味道不錯，份量都多，佢叫「香濃」不過我覺得稍微稀咗啲。而入面只有一隻蝦，不過隻蝦就食得出好新鮮爽口。原來個套餐仲包每人兩片蒜蓉包，蘸吓龍蝦湯食又幾好味。白酒焗鯛魚柳伴檸檬牛油汁配薯蓉＄68，已包是日餐湯（忌廉湯）、主菜、飲品。鯛魚柳好大塊，下面仲有一大堆薯蓉，「埋住」西蘭花同蕃茄，再下面就有好多白酒汁，將啲薯蓉撈汁就更好
店內裝潢……睇唔出係咩風格，一邊牆有啲黑膠唱片，另一邊牆就畫咗啲食物，但全店都係卡位，坐得幾舒服，而枱面就有啲圖案色澤鮮艷嘅瓷磚。
以黑膠唱片裝飾
全日特價餐，真係幾抵，幾十蚊咋。最貴嘅西冷牛扒套餐都只係$88
漢堡套餐，睇相就好大份，款式都唔少，加$25可以升級瘋薯，飲品方面加$25仲可以飲英國手工啤酒等各種酒類。我地想叫雙層安格斯芝士漢堡，店員溫馨提示話呢個餐通常啲食客都係share食，因為幾大份量。
仲有優惠加配: 每款套餐如果加配以下三樣野其中一樣都可以減＄20。
優惠加配我哋揀咗香濃龍蝦忌廉湯，原價＄48，而家即係＄28。飲落味道不錯，份量都多，佢叫「香濃」不過我覺得稍微稀咗啲。
而入面只有一隻蝦，不過隻蝦就食得出好新鮮爽口。
原來個套餐仲包每人兩片蒜蓉包，蘸吓龍蝦湯食又幾好味。
白酒焗鯛魚柳伴檸檬牛油汁配薯蓉＄68，已包是日餐湯（忌廉湯）、主菜、飲品。
鯛魚柳好大塊，下面仲有一大堆薯蓉，「埋住」西蘭花同蕃茄，再下面就有好多白酒汁，將啲薯蓉撈汁就更好味~
漢堡套餐
雙層安格斯芝士漢堡（ 14oz ) $128，已包黑醋沙律、原味薯條同埋飲品。
雙層安格斯、雙層芝士，再加上蕃茄片同鮮洋蔥圈。成個漢堡包非常非常厚，正常人個口應該係唔可以成個食嘅。
童叟無欺，最厚係兩塊安格斯牛肉，而且牛肉味濃又juicy，食得出真係靚嘢。
餐飲跟蘋果汁都係加5個大洋咋。
呢度嘅價錢係茶餐廳價錢，但啲嘢食真係大大份，餐廳叫BIGGER，真係冇改錯名。引用蘋果公司某一代電話嘅宣傳語「Bigger and bigger」-「豈止於大」，呢度嘢食大大份，質素都相當唔錯。特別係個漢堡套餐，若果加埋瘋薯，兩個人夠食，而且味道相當不錯，以後喺佐敦食飯又多個選擇。
Post
