Mensa (Closed)

今次後補生日，前一晚打電話book位，但打極都冇人聽電話，好在有位。位置比較遠，由銅鑼灣站行要10分鐘，但值得的。氣氛啱我，不太暗，剛剛好。我唔鍾意啲超暗嘅餐廳，連自己食乜都睇唔到。嗌完嘢食大約8分鐘後，首先有個bread basket，都係點醋同橄欖油，麵包好熱，都唔錯，但我覺得慢左啲。兩個頭盤味道都ok，但係又係要等好耐。唔好意思，實在太肚餓，整開左條魚先記得未影相。原本呢個rainbow trout係steam嘅，但係廚司話今日啲魚細條，所以用grill。我覺得grill得dry過頭，冇晒啲水分，香草嘅味都冇晒，但係都可以接受，因為個調味汁配得好好。服務員話加$100可以轉鰈魚(Dover sole)，但係太貴lu...呢個rack of lamb 唔錯，個汁都配得好好。但係兩個main course又係要等好耐。最後的甜品是black widow同chocolate parfait。Black widow味道ok，chocolate parfait有啲好新奇嘅配搭，就係有啲爆炸糖係面，唔錯。整體嚟講，價錢合適，如果唔洗等咁耐，就滿分㗎喇。