八焼鳥屋 (Closed)

第一次黎試試，慶祝朋友生日，但入去先知得一小時限時食，因為其他餐廳都多人，所以都照試試我地買左個蛋糕比驚喜朋友-但最後個waitress 突然在朋友耳邊問個蛋糕送得黎未 就拆穿曬了！ 我地都主要叫燒物多有(燒鰻魚-呢個唔錯 燒雞翼-好味 雞軟骨同雞棒。佢燒物方面係唔錯的) ，仲有叫左個海膽夾餅，但就好腥仲有個冷烏冬有d辣！ 飲品方面都唔錯 !!但d 野食岩岩到就話last order 了，有點催逼 到個蛋糕拎左出黎既時候點左蠟燭都未吹，相都未影，就要求拎走蛋糕幫我地分cake, 可能佢想快d趕我地走，我地都明白時間係食一個鐘既，但感覺上佢真係好趕客走，朋友杯飲品都未飲曬問都無問就收走埋，最後我地只好快快手襯佢未迫我地埋單交檯閃人食埋單超過一千蚊食物唔係太差希望佢地可以改善，不過我地會再黎食