壽司櫻 (Closed)

揀咗呢度補祝生日食午飯其實得兩個套餐可以揀一個廚師發板$680另一個廚師發板用嘅刺身會比較高貴啲就收$880疫情關係唔想同其他唔熟嘅人有太多接觸所以雖然食廚師發板的話坐吧枱會比較理想可以同廚師多啲接觸。餸菜亦可以早啲到達客人手上。不過今次我哋沒有選擇坐吧枱反而選擇咗坐卡位因為卡位嘅位置比較闊落可以擺到手袋雜物外套。而且其實卡位的位置同廚師吧枱距離不遠。相反係有更多嘅私人空間。加上當時眼見兩位壽司師傅都唔似係日本人，所以又冇咁好奇想坐吧枱。雖然係星期日嘅中午不過上到去嘅食客都唔多計埋我哋佢應該只係做咗四枱人嘅生意。員工幫客人加茶都好勤力我哋兩種廚師發板都有試。如果唔係好大食嘅話其實叫$680嘅廚師發板都足夠。最好味係佢嘅舞茸湯，同魚子醬生蠔。其他壽司同刺身都唔錯。唯獨是有啲失望嘅就係佢嘅海膽壽司其中一份嘅海膽，好似已經擺得太耐先上枱咁，瀉晒水。收呢個價錢，個海膽咁嘅質素佢都上枱唔換過另一碟俾客人，呢種服務，變相令我冇乜動機再返去食多次。試過其他嘢好食就夠了。