Video
Read full review
2009-12-20
7 views
又食生日飯，12月真係未免有太多人生日吧，雖然自己都係其一，哈哈。今晚 13 個人黎到呢度慶祝，相信全場最嘈都係我地。我地訂左 8 點，不過去到未有位，都等左 10-15 mins先入得。佢而家做緊一個promotion鵝肝多士特價唔記得幾多錢，唯一主角唔食鵝肝，我地其他人每人都叫左客。不過唔知係咪因為特價野，真係唔係幾好食。佢個皮都係煎得脆脆的，不過就一D都唔甘香，無咩鵝肝味，加上個多士非常硬下，一D都唔脆，所以真係唔好食，奉勸大家唔駛試。之後個麵包籃我只係試左一塊，都係唔得，又係好鬼死硬，好似擺左好耐咁，一D都唔鬆軟，所以都係唔好食。之後就係MAIN COURSE啦，大家各自叫心頭好。不過唔知係咪因為我地太多人，真係等左好好好好好耐。由肚餓等到唔肚餓，望穿秋水佢終於都黎啦。我旁邊既友人叫左個野菌意大利墨魚汁意大利飯，呢個真係OK好食，非常唔錯! D飯軟軟香香的，有墨汁味，加埋D海鮮都幾新鮮，好食! 由於我知佢地實食唔哂會俾野我食，所以我叫左個較清的主菜就係美國銀鱈魚柳。個魚真係非常之清，幾乎全完係無味的，只有少少鹹味，好彩個魚都算有鮮味，所以先唔至於難食。不過肉質麻麻，唔夠嫩，D肉
佢而家做緊一個promotion鵝肝多士特價唔記得幾多錢，唯一主角唔食鵝肝，我地其他人每人都叫左客。不過唔知係咪因為特價野，真係唔係幾好食。佢個皮都係煎得脆脆的，不過就一D都唔甘香，無咩鵝肝味，加上個多士非常硬下，一D都唔脆，所以真係唔好食，奉勸大家唔駛試。之後個麵包籃我只係試左一塊，都係唔得，又係好鬼死硬，好似擺左好耐咁，一D都唔鬆軟，所以都係唔好食。
之後就係MAIN COURSE啦，大家各自叫心頭好。不過唔知係咪因為我地太多人，真係等左好好好好好耐。由肚餓等到唔肚餓，望穿秋水佢終於都黎啦。我旁邊既友人叫左個野菌意大利墨魚汁意大利飯，呢個真係OK好食，非常唔錯! D飯軟軟香香的，有墨汁味，加埋D海鮮都幾新鮮，好食! 由於我知佢地實食唔哂會俾野我食，所以我叫左個較清的主菜就係美國銀鱈魚柳。個魚真係非常之清，幾乎全完係無味的，只有少少鹹味，好彩個魚都算有鮮味，所以先唔至於難食。不過肉質麻麻，唔夠嫩，D肉比較實，勉強都可以接受。其他main course我就唔知啦，因為無試過。不過有人食ribs就話麻麻地好食。
大家都無叫甜品，因為知有蛋糕食嘛。除左蛋糕外，壽星女仲有個心太軟tower，兩層高，大家都對佢虎視眈眈，哈哈。個兩層高既心太軟轉眼間已經俾我地分屍，一人一啖食哂。不過心太軟真係唔錯，食既時候仲係非常熱辣辣。一拮入去d朱古力漿即刻流哂出黎，個皮硬硬地，唔會好甜但味道濃郁，又真係唔錯既。
除左食品仲叫左幾枝酒，不過我都唔太清楚幾錢。因為雖然唔係慶祝我生日，但都有人請，因為同成班大人一齊，老闆唔駛我俾，哈哈，真係開心!!! 多謝主角令我又有一餐食。
Post
