Video
Read full review
2023-08-07
126 views
大隻仔今次覓食嘅店舖就係💥 Bischofia by Mood 💥大隻仔今次介紹一間觀塘新開輕食咖啡店，餐廳今年6月開業，短短唔夠2個月已經成為九龍東觀塘牛頭角商業區人氣店，咖啡店行生活品味路線，裝修以天然木色為主，仲有不少綠色植物裝飾，環境十分舒適，提供一個慢活生活文化環境，而且餐廳食物以「健康生活品味」為元素，除咗提供energy bowl、salad、低卡食物外，仲有「營養師之選」食物提供，十分健康，好啱注重健康嘅OL，就算連甜品都唔會太甜，大隻仔食完餐廳嘅雪糕蘋果批後真係愛上。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 雪糕蘋果批 $68（另加一服務費）看似平凡，估唔到味道十分有驚喜，蘋果批超級好食，焦糖蘋果唔酸帶微甜，餅底夠酥脆。餐廳選用唔酸嘅蘋果，就唔需要用大量甜味蓋過酸味，酸甜比例恰到好處，十分欣賞。另外烘焙師好聰明碟上灑上抹茶粉，除咗裝飾之外，雲呢拿雪糕溶掉之後，與抹茶粉混合可以減低雪糕甜味，味道好平衡。整個甜品食落口好舒服，唔會太甜，完全冇罪惡感，係
💥 Bischofia by Mood 💥
大隻仔今次介紹一間觀塘新開輕食咖啡店，餐廳今年6月開業，短短唔夠2個月已經成為九龍東觀塘牛頭角商業區人氣店，咖啡店行生活品味路線，裝修以天然木色為主，仲有不少綠色植物裝飾，環境十分舒適，提供一個慢活生活文化環境，而且餐廳食物以「健康生活品味」為元素，除咗提供energy bowl、salad、低卡食物外，仲有「營養師之選」食物提供，十分健康，好啱注重健康嘅OL，就算連甜品都唔會太甜，大隻仔食完餐廳嘅雪糕蘋果批後真係愛上。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️⭐️
抵食 ⭐️⭐️⭐️⭐️
服務 ⭐️⭐️⭐️⭐️⭐️
環境 ⭐️⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
Bischofia by Mood
9 views
0 likes
0 comments
🔥 雪糕蘋果批 $68（另加一服務費）
看似平凡，估唔到味道十分有驚喜，蘋果批超級好食，焦糖蘋果唔酸帶微甜，餅底夠酥脆。
餐廳選用唔酸嘅蘋果，就唔需要用大量甜味蓋過酸味，酸甜比例恰到好處，十分欣賞。
另外烘焙師好聰明碟上灑上抹茶粉，除咗裝飾之外，雲呢拿雪糕溶掉之後，與抹茶粉混合可以減低雪糕甜味，味道好平衡。
整個甜品食落口好舒服，唔會太甜，完全冇罪惡感，係一款食完會令人開心嘅甜品。
大隻仔真係好欣賞餐廳嘅pastry，下次有機會真係要試一吓餐廳嘅卷蛋同蛋糕。
雪糕蘋果批
$68
13 views
0 likes
0 comments
雪糕蘋果批
$68
11 views
0 likes
0 comments
🔥 煙三文魚牛油果吐司 $88（另加一服務費）
屬於自選吐司系列，$78可以任揀兩款配料，$88三款，$98四款，包括蛋黃醬 或者 牛油果醬。
大隻仔揀咗 煙三文魚 + 牛油果 再配上 牛油果醬。
吐司係合桃酸種麵包，吐司邊位夠脆，中間位置軟熟，麵包上搽滿厚厚嘅牛油果醬，牛油果味道超級香濃，加上新鮮煙三文魚，真係又健康又好味，亦可以唧少少檸檬汁輕輕提味。如果可以加多少少沙律菜就更加 perfect。
煙三文魚牛油果吐司
$88
9 views
0 likes
0 comments
煙三文魚牛油果吐司
$88
12 views
0 likes
0 comments
🔥 升級飲品 +$18（另加一服務費）
自選吐司餐，可以 $8加配咖啡，其他飲品加$18，大隻仔就 +$18揀咗「抹茶豆奶」，屬於「營養師之選」，用冇糖純豆奶沖製，唔甜，豆奶順滑，豆味濃烈，因為冇糖，可以飲得出抹茶苦澀味，鍾意濃烈抹茶味道嘅朋友一定好喜歡。
升級飲品 - 抹茶豆奶
$18
10 views
0 likes
0 comments
溫馨提示：
餐廳現時做緊Soft Opening，提供早餐 8:30am營業，未提供晚餐時段，之後營業時間可能會變更。
Post
