Bistro La Baie

Open Now

Now Closed

🐼 上次到訪呢間海邊嘅法式 bistro，覺得氣氛好好，於是今次帶埋媽媽一齊嚟試下其他菜式。雜菌燴薏米飯、黑松露泡沫 $178 - 上枱見到面頭有一大堆泡沫，非常打卡able。雜菌量比得好多，咬落口煙煙韌韌，加上薏米嘅質地估唔到又幾夾。和牛芝士漢堡、焦糖洋蔥、醃青椒、薯條 $198 - 好好食喎！有平時去食burger舖嘅水準，喺法國野餐廳最推薦嘅菜式竟然係呢個啊🤣油封鴨腿、扁豆、香腸 $228 - 擺盤同樣都係好靚。鴨腿下邊有扁豆、紅蘿蔔等等，呢間餐廳用一個香濃嘅醬汁煮呢啲雜菜，非常惹味。侍應overall都有禮貌，而且舉手都好快應你 👍🏻 今時今日嚟講其實唔係好多間餐廳都做到食完飯再喺將軍澳海旁散吓步，一路欣賞海景，一路幫助消化，成個晚餐體驗幾唔錯。