第三站

係旺角搵到一間好舒服嘅board game cafe🎲，可以同朋友一路玩一路食，唔玩board game 🧩都可以好舒服咁傾偈唔怕俾人趕走。香草芝士條 $62 🧀芝士條炸得好香脆，仲要係即叫即整，上菜既時候仲係熱辣辣，食落拉絲可以拉到好長。呢個一定要快啲食，凍咗嘅話就少咗拉絲嘅效果。黑松露薯條 $66 🍟薯條亦都炸得好香脆，比較粗身，上面加咗黑松露粉。又濃郁黑松露味，同埋食落唔會好油。黑松露帶子鮮菌意大利飯 $92 🍄黑松露意大利飯一嚟到都係好香，入面有兩款菇同埋粒粒帶子，加埋忌廉一齊煮。一路玩一路食真係好滿足。朱古力蛋糕 $36 🍫蛋糕擺盆好有心機，蛋糕有五層，最頂係朱古力醬，之後就係朱古力慕絲同朱古力海棉蛋糕隔住。全部都係朱古力，最底仲加咗朱古力醬，朱古力控真係一定要食呢個！芒果乳酪 $48 🥭乳酪加埋冰塊一齊打而成，飲落厚身，有香濃芒果味。