為食恐龍‧恐龍先生

Open Now

Now Closed

雖然我未做人阿媽🤪但有時見到啲親子餐廳好多玩具又色彩繽紛，都覺得好開心好想去感受一下🤣🤣今次就去到尖沙咀厚福街呢間為食恐龍。恐龍先生，以可愛嘅恐龍公仔🦖做主題以及森林綠🌴做主調。一入門口已經見到超級多玩具，有細路鍾意玩嘅益智遊戲，仲有夾公仔機，小朋友見到一定好開心🥰唔駛成日對住電子奶嘴，仲可以同父母一齊玩增進感情🫶🏼除咗適合親子之外，呢度仲有唔少大人都鍾意玩嘅boardgame，同朋友聚會嘅話都可以當係boardgame cafe。餐牌有pizza、意粉、炸物同其他大路嘅西式嘢食，大人細路都啱食👏🏻三色味雞翼3款雞翼啖啖肉，味道ok正常發揮。招牌德式鹹豬手做得幾好食嘅脆豬手😋😋一大盤豬手已經預先起肉，食起上嚟好方便👍🏻外皮脆卜卜，痴住啲肥膏好邪惡😈😈豬肉肉質亦啱啱好，唔會太鹹，連埋蘋果蓉、煙肉粒同芥末食就有不同層次。白堊紀熔岩火山（朱古力）熔岩般嘅朱古力漿望落幾吸引😻可可味香濃不太甜，底下係丹麥麵包比較酥香。自製雪糕冰沙脆脆（薄荷味）賣相幾得意，小朋友實啱😛薄荷味雪糕加上薄荷沙冰，仲有crunchy嘅穀物脆脆，鍾意薄荷嘅人實啱。另外仲有芒果味。紫霞仙子、海鹽冰乳茶夏天推出咗幾款打卡消暑