孖啡 (Closed)

喺鬧市想搵個位置方便，悠閑嘅地方輕鬆聚會，悠閒傾吓，就嚟呢到。牆上玻璃上都貼咗好多剪影，好夢幻。座位好闊落，空間感好夠，乾淨企圖，仲有好多board game俾客人玩，消磨下時間。主打西式及勁多特飲選擇，各式咖啡、果茶、花茶、奶昔、乳酪、塔羅特飲、咖啡系列朱古力系列、奶昔系列、乳酪系列、特飲、花茶系列、紅/綠茶/梳打系列、水果茶系列，總有幾款啱大家胃口。午餐選擇都幾吸引，鮮茄焗豬扒飯的豬扒挺厚身，配上茄味十足的汁醬，配飯食一流。芝士控不要錯過吞拿魚天使麵。面上面鋪了一層金黃色的芝士，切開芝士，有少許煙慢慢冒。天使麵有好多忌廉汁，充滿奶油香而且每口都能食到好多吞拿魚。 All Day有牛角包、煙三文魚、炒蛋、紐倫堡腸、薯餅、沙律、茄汁豆，非常豐富！牛角包鬆軟，炒蛋嫩滑！沙律用上芝麻醬拌上，酸酸地挺開胃! 這裡出餐非常快，點了一會便有。