Video
Read full review
2024-12-11
494 views
適逢12月滿滿嘅節日氣氛，於是決定嚟食餐正正嘅，揀咗環境氣氛都好到位嘅Bochord - French Fine Dining，精緻嘅餐點，出色嘅live band，連埋一流嘅海景，簡直係愉悅咗眼睛同舌頭🤭同埋啱晒慶祝節日或者係生日，當日就已經有枱係慶祝生日🎁我哋揀咗個tasting Menu，超開心又夠滿足😌Seafood Trio賣相好有亮點，大圓球入邊深藏玄機，包咗三道dishes，個人最鍾意個Spanish octopus carpaccio，食落煙靭，又夠鮮味，啱晒啲海鮮迷🥰Scottish King Razor Clam & King Crab一上枱就噴晒煙，勁靚勁有儀式咁，食落好重海鮮味，而且配埋啲crab meat，滿足感爆棚😋Italian Zucchini Flower & Iberico Ham餘香水月滿滿，鹹鹹香香好醒胃，然後個鴨肉炸球都好有starchy ，但又食到鴨肉絲，配埋鵝肝foam好正🤩Bouillabaisse係咁多道入邊最鍾意嘅，啲蜆超大隻，非常肥美，啖啖都爆曬汁，龍蝦汁好濃稠，帶出啲蜆嘅鮮味，食到舔晒脷😋French Morel & Fish M
適逢12月滿滿嘅節日氣氛，於是決定嚟食餐正正嘅，揀咗環境氣氛都好到位嘅Bochord - French Fine Dining，精緻嘅餐點，出色嘅live band，連埋一流嘅海景，簡直係愉悅咗眼睛同舌頭🤭同埋啱晒慶祝節日或者係生日，當日就已經有枱係慶祝生日🎁
我哋揀咗個tasting Menu，超開心又夠滿足😌Seafood Trio賣相好有亮點，大圓球入邊深藏玄機，包咗三道dishes，個人最鍾意個Spanish octopus carpaccio，食落煙靭，又夠鮮味，啱晒啲海鮮迷🥰Scottish King Razor Clam & King Crab一上枱就噴晒煙，勁靚勁有儀式咁，食落好重海鮮味，而且配埋啲crab meat，滿足感爆棚😋
Italian Zucchini Flower & Iberico Ham餘香水月滿滿，鹹鹹香香好醒胃，然後個鴨肉炸球都好有starchy ，但又食到鴨肉絲，配埋鵝肝foam好正🤩
Bouillabaisse係咁多道入邊最鍾意嘅，啲蜆超大隻，非常肥美，啖啖都爆曬汁，龍蝦汁好濃稠，帶出啲蜆嘅鮮味，食到舔晒脷😋French Morel & Fish Maw食落煙煙靭靭而且好有膠質，配埋Truffle片，味道好濃郁，更加有亮點😋
Charcoal Grilled French Pigeon係我嘅first attempt，成個味道好特別，pigeon leg原隻髀竹炭煙燻過，香氣十足，而且五成熟嘅肉質最滑嫩，唔講都唔知自己食緊pigeon leg ☺️
Charcoal Grilled As Miyazakigyu Beef油香十足，油脂咁得來又唔會過分，而且非常有牛味，啱晒我呢啲牛魔王😊
Japanese Yuzu Mousse Cake入口即溶，而且甜度控制得啱啱好，柚子味香氣突出，擺盤靚靚，啱晒我哋打卡❤️難得嚟食餐正嘅冇理由唔叫杯Cocktail，Tge Whisky Still酒味比較重，而且whisky 嘅味好突出，但飲落又唔會好難入口，幾值得試試🥳
Post
