Boring?! (黃埔天地美食坊) (Closed)

晚餐餐湯有鮮蠔周打湯🥣啖啖飲到蠔肉打出黎，好濃好好飲。另一個焗酥皮龍蝦湯🥣最鐘意飲酥皮湯，酥皮焗到好脆身，龍蝦湯又濃夾埋好正。前菜有西班牙辣肉腸蒜片青檸鮮鮑魚🍴完全食到鮮甜味，加左醬汁好好味😋。另一個脆炸法式香草田螺伴蒔蘿蜜糖蛋黃醬🍴脆脆地嘅田螺咬落口感好特別，小食一流。主菜有炭燒海鮮拼盤🍽琵琶蝦半隻：啖啖肉好好味😋磯燒鮑魚：好鮮甜呀😋魷魚、青口、海魚，海鮮真係食極唔會厭。另一個羅勒嫩菠菜珍寶帶子闊條麵：大大粒帶子，菠菜汁配闊條麵真係好夾。甜品有開心果雪糕🍦真係好出色，好濃開心果味，啖啖都咬到👍🏻配千層蛋糕，好完美。