8鍋臭臭鍋 (金巴利道) (Closed)

boxing day 行街行到晚上10點幾，突然好有興致食啲熱辣辣嘅野，特別係鍋物類！！即刻諗起某日式連鎖店嘅一人一鍋，可惜11點就關，openrice下附近有咩鍋就見到呢間，評價都ok,中式邊爐又太heavy,就試下啦。10點半左右坐低，鋪面都算寬落，人就得幾枱啫，兩個人坐四人台都坐得幾舒服~最驚就係食鍋但係坐得逼，未食俾啲煙薰兩下都出汗！menu有兩樣鍋都主打羊，因為唔食羊所以唔考慮，主打牛肉得一款。因為第一次食就叫個招牌臭臭鍋,可以選擇配飯或者粉絲。後頁其實仲有好多小食可以選擇。上菜餸唔算係好多，臭豆腐係明顯聞到臭味果種，我鐘意豬肉片唔係薄到肥牛果種，食落去算有啲厚身有口感，完全冇怪味酥味，唔錯。豬肉丸就係普通香港邊爐款，唔會難食，可惜得一粒鵪鶉蛋有兩粒，冇咩特別。仲有娃娃菜，鴨血，米腸糕，味道算中規中矩。個湯我覺得食到少少羊味，但唔會酥，唔知係唔係真係有用羊去整湯底呢？價錢$108係尖沙咀食到呢個份量同味道ok嘅鍋物，性價比算唔錯，有機會會再試下其他鍋~