Bread, Espresso & (Closed)

經過無數次Bread Espresso都未入去食過，每次只係見到好多人排隊或者寫住係沽清，上兩個禮拜睇完介紹，的起心肝早啲嚟。今日我哋為咗每日三點出既限定「招牌法式吐司」兩點半就來到，又熱又曬門口有其他野食既菜單今次來的目的係法式吐司，所以我哋冇叫其他野佢寫住進行清潔，其實原來已經可以入去坐，因為我哋50分先返轉頭，已經坐得七七八八。呢幾張係我哋30分嘅時候影，估唔到50分返嚟就座無虛席。旁邊嘅麵包都見唔少人特登過嚟買，今次我哋冇試，留下次吧準時三點正，所有人去排隊落單，我哋點嘅係法式吐司，竟然有薄荷朱古力加＄14都要一試大家一齊等待左5分鐘，陸陸續續為每一台送上熱辣辣嘅法式吐司。真係好熱辣辣，侍應好細心同每位客人講小心熱啊唔好掂到，介紹先食原味，亦可以到櫃檯拎蜜糖加埋一齊食。今次chichi我好聽話甘照住食，包邊煙煙銀銀中間鬆軟鬆軟有唔同嘅口感。之後梗係要加蜜糖食，值得一讚蜜糖絕對唔係溝水嗰啲，因為真係好香蜂蜜味，食出另一種風味。本身唔係好鍾意食甜既我，同友人好快就將佢消滅左薄荷朱古力有點失望，薄荷/朱古力兩者嘅味道比較淡，或者下次會試下咖啡 飲品水準好有進步空間如果只叫吐司68蚊