Orca (Closed)

今日係萬聖節，亦都係姊妹幫我搞Bridal Shower既日子。下午係白沙灣碼頭搭船去完珍珠場玩珍珠首飾工作坊後，行返去西貢市區食野。去左Hushush Ice Cream Coffee食完好普通既朱古力加Gin味雪糕，再係西貢打個round後，決定食Orca，排左成個鐘先有位，坐左係outdoor。墨西哥脆片(3款醬) $783款醬係他他醬、西班牙辣醬、意式番茄他他醬。Nachos本身無調味，甘樣幾好，唔會太鹹，會一片一片甘接住食。小食拼盤 $128有燒菠蘿、炸魚餅、炸雞、洋蔥圈、薯條。除左薯條唔熱之外，其它都熱辣辣，好食。燒牛肉紫洋蔥沙律 $158燒牛肉幾嫩滑，食下菜平衡返甘多油膩同熱氣野。巴瑪火腿火箭菜薄餅 $103鍾意佢批邊範圍夠細，代表有餡既面積好大，係薄批黎，10寸大，食落有甜甜地既味道，好食呀。ORCA巨型豬扒香草包 $178豬扒連骨，雖然好嫩，但連骨好麻煩。今次啲薯條又熱返，好食左好多，份量十足。論盡的小鯨Orca $58同禁果之液 $58，前者靚但唔岩我口味，後者沙冰感唔重又略甜。粉紅的雨雲 $58同青檸梳打 $32。