Flat Iron Steak (Closed)

合理性價比set lunch-呢間鋪本身喺黃竹坑工廈有賣凍肉兼做餐廳，啲肉全部都係自己直接批發入貨，最近喺黃竹坑足球場對面開地舖式餐廳佢哋嘅餐牌好簡單，左邊列出set lunch, 右邊係酒水- set lunch比工廈嗰邊多幾個選擇，都係$150左右，想食牛有兩款一款係封門柳另外一款係加$70嘅flat iron，除咗牛之外亦都有燒雞或者係烤魚，牛類就可以配沙律或薯條，烤魚同烤雞就一定係配薯蓉如果想配汁要另外加大概$35左右-我哋嗌咗封門柳配薯條同埋烤魚跟薯蓉同埋三條西蘭花苗，每一個份量都夠一個人食封門柳嚟到要求medium rare,可能條牛柳比較幼身（其實肉係厚），最後食落感覺似medium 多d鱸魚魚柳皮烤得脆，再加埋肉質鮮嫩其實都幾好食。