Simplylife Bakery Cafe (Closed)

今日weekend， 所以我想瞓晏啲， 起身當然要搵嘢食啦！ 聽到同事話「Simplylife Bakery Cafe」好好食， 一於去食個《brunch》先！ 地址: 元朗元龍街9號形點一期地下G009號舖 ， 其實位置都非常方便， 乘西鐵到元朗站Exit K 出口， 步行數分鐘就到啦！ 好抵食 $118 就有餐湯，餐包， 主菜同飲品。 餐湯係《野菌湯》，充滿香濃嘅野菌清香，口感幼滑， 有粒粒嘅菇菇， 口感比想像中豐富， 味道唔錯！ 餐包口感唔錯， 加上牛油， 更加惹味！ 我叫咗個《車打芝士煙肉牛肉漢堡》，份量十足， 材料包括有牛肉漢堡扒、蕃茄、煙肉 同生菜，加上芝士，非常惹味， 好食。漢堡扒好多汁，juicy , 十分好食。 仲有薯條做伴碟， 薯條熱辣辣， 脆卜卜，非常可口。 我有飲咖啡習慣， 所以加錢叫咗杯咖啡，醒醒神！ 嘆番杯靚咖啡， 真係人生一大樂事。 總結， 不論價錢、環境和食物質素，我都十分滿意， 又係Encore之選！