Video
Read full review
2022-06-14
135 views
有時週末去食早午餐，食嚟食去都係炒蛋、腸仔、火腿咁，真係人都覺得悶； 有時我仲會覺得自己係屋企都煮到，點解仲要出街食啲咁簡單嘅食物？ 不過近日發現灣仔呢一間Cafe好有心思，俾客人自由配，可以自己選擇四至六款嘅配料，總之就係成個早午餐都係由你自己切出嚟，好似Puzzle咁樣切來切去，切到啱你自己心水為止！如果女仔嚟講，我覺得叫四款配菜都已經好足夠，因為呢一間Cafe嘅份量都非常足，冇呃稱。主食，你可以叫米飯或者麵包類等去配搭。我哋兩個人叫咗兩份早午餐嘅配搭，大家揀唔同嘅嘢食，變咗就有八種食物可以試。主食：越光米（上邊而家仲有少少嘅quinoa）， 日本米飯特別好味，柔軟Q彈、有黏性、軟硬適中。半邊龍蝦＋黑松露炒蛋＋味噌茄子＋希臘式乳酪 鮮甜無需任何特別嘅調味，簡簡單單都好足夠，仲見到佢爆曬膏咁，而且啖啖肉。個一大匙更好慷慨嘅黑松露醬就係重點，滑滑嘅炒蛋配襯埋濃味嘅黑松露醬，係天作之合。 茄子嘅外層煎得香脆焦糖化，入邊就保持柔軟，個口感一流。冇錯！除咗鹹點，你仲可以配襯一啲甜品類。我哋就揀咗呢個希臘式乳酪，因為健康暢便， 而且食完咁豐富嘅主食就想食一啲比較清新嘅食品。呢一個希臘乳酪口感1
有時週末去食早午餐，食嚟食去都係炒蛋、腸仔、火腿咁，真係人都覺得悶； 有時我仲會覺得自己係屋企都煮到，點解仲要出街食啲咁簡單嘅食物？ 不過近日發現灣仔呢一間Cafe好有心思，俾客人自由配，可以自己選擇四至六款嘅配料，總之就係成個早午餐都係由你自己切出嚟，好似Puzzle咁樣切來切去，切到啱你自己心水為止！
如果女仔嚟講，我覺得叫四款配菜都已經好足夠，因為呢一間Cafe嘅份量都非常足，冇呃稱。
主食，你可以叫米飯或者麵包類等去配搭。
我哋兩個人叫咗兩份早午餐嘅配搭，大家揀唔同嘅嘢食，變咗就有八種食物可以試。
主食：越光米（上邊而家仲有少少嘅quinoa）， 日本米飯特別好味，柔軟Q彈、有黏性、軟硬適中。
半邊龍蝦＋黑松露炒蛋＋味噌茄子＋希臘式乳酪
鮮甜無需任何特別嘅調味，簡簡單單都好足夠，仲見到佢爆曬膏咁，而且啖啖肉。
個一大匙更好慷慨嘅黑松露醬就係重點，滑滑嘅炒蛋配襯埋濃味嘅黑松露醬，係天作之合。
茄子嘅外層煎得香脆焦糖化，入邊就保持柔軟，個口感一流。
冇錯！除咗鹹點，你仲可以配襯一啲甜品類。
我哋就揀咗呢個希臘式乳酪，因為健康暢便， 而且食完咁豐富嘅主食就想食一啲比較清新嘅食品。
呢一個希臘乳酪口感10分creamy，配襯埋面頭嘅蜜糖燕麥片，咁樣混和一體，回味無窮！
主食：酸種麵包＋朱古力danish
半隻法式春雞＋紅菜頭三文魚＋蟹肉忌廉薯蓉＋蘑菇沙律
相信觀眾你哋都有雪亮嘅眼睛，可以見到佢嘅燒春雞嘅外皮已經烘得非常之香脆同埋金黃色，但係佢入邊啲肉仍然係好有肉汁同滑！ 熄鬧鐘要好厚肉，最鍾意食肉嘅朋友一定啱晒啦！
好特別，開頭上枱我仲以為係一啲子薑、酸薑咁。原來係變咗色嘅三文魚，紅菜頭嘅天然顏色去醃製咗之後，比起普通嘅煙三文魚多一番心機同埋獨特之處。
秀珍菇加入咗少少沙律嘅調味同埋黑芝麻，食落特別！
薯蓉佢唔係特別較得好爛，仍然保持到薯仔一粒粒嘅口感，係比較日式嘅做法！
佢嗰醬係非常之濃郁又帶有蟹嘅忌廉味。
既然黎到cafe，就一定要飲一杯咖啡！朋友發現原來佢嘅咖啡豆係喺香港本地烘焙出嚟嘅，所以要更加支持本地創作！
呢杯 dirty喺一個咖啡嘅評分中，得到93分，非常高分，帶有果仁香氣！
呢度嘅水都非常特別，放咗一個備長炭落去添！
而我飲嗰杯茶又有橙汁嘅果香又有茶既香濃味！
總括嚟講，如果要食早午餐，又想一啲新嘅嘗試。呢一間餐廳就啱晒啦，可以俾你自由選擇，配搭出啱晒自己心水嘅午餐！
Post
