반찬앤쿡 Banchan and Cook (東薈城名店倉)

Open Now

Now Closed

餐廳內外有好多BT21打卡位，Fans一定唔可以錯過。一坐低見到Magic menu上嘅食物同飲品都好可愛，當然要叫曬佢哋啦！芝士炸豬扒魔法蛋包飯，有兩件切開咗嘅芝士炸豬扒，最正係外層炸得香脆，中間嘅芝士係流心，咖喱汁味道適中唔會太辣，配埋滑蛋奄列一齊食，有多重層次！另外再加咗巴馬火腿卡邦尼年糕，年糕形狀唔係平時見嗰隻，都係煙煙韌韌，卡邦尼醬汁芝士味香濃。朱古力魔法甜點有朱古力卷蛋同Tiramisu croffle, 朱古力卷蛋入邊嘅朱古力mouse幾香濃，而tiramisu嘅芝士亦都好香滑, croffle夠鬆脆。飲品就有魔幻星空蝶豆花蘇打，顏色真係好靚，入邊仲有超多藍莓爆珠，飲落口感好得意。朋友叫咗杯溶化朱古力，味道唔係太甜，正常朱古力奶味道。