Amico 1890

Open Now

Now Closed

我最好既Amico就係住繁華密集既旺角，難得佢standby機，所以梗係搵我消磨時間啦。咩野係Amico?意大利文就解好朋友，知己。我地去旺角行左街後，就行過黎洗衣街呢邊搵食，始終無另一邊大街咁busy，感覺舒服d，多番d空間，唔洗行路都手踭撞手踭。一入餐廳感覺簡單、新潮、型格，有白色磚既牆，黑色畫同唔同既色彩鐵板廣告。有set lunch選擇，不過好想食其他，所以無叫set。芝士焗青口睇落幾簡單咁，做法係將青口連殼加芝士拎咗去焗。不過好欣賞芝士份量夠晒多，裝滿晒整個殻。墨魚汁大蝦意大利粉顏色睇落去，非常夠黑，滿意。唔腥得黎，仲好重芝士味同creamy感，食落都幾飽。大蝦真係虎蝦個d大，兩個人分一半都好大隻。美國安格斯肉眼扒呢個美國安格斯肉眼扒要俾10個like，廚師火候掌握得非常完美，7成熟完美。外面有少少焦香嘅味道，入邊係保持鮮嫩嘅粉紅色，而且入口好軟熟又保持到肉汁，充滿牛味。薯條仲要新鮮熱辣，粗粗脆脆，唯一要挑剔嘅係旁邊嘅沙律菜，可以加一啲黑醋汁或者沙律醬咁，成件事比較完整。另外叫左兩杯消暑沙冰。曲奇奶昔沙冰芒果乳酪奶昔沙冰兩杯都用足料架，好夠味，oreo奶昔仲好似帶少少咖啡味。