Sixer Burger (Closed)

今日去左荃灣行街，順便睇下附近有咩食。見到SIXER BURGER環境幾好，而又係食Burger呢d野岩哂我呢隻食肉獸入到去同朋友２個人點左２份burger（一份啡菇安格斯牛堡；另一份子漿安格斯牛堡），再配多份豬肉沙律同焗薯皮。  burger份量好大，食起上黎幾拿手唔成勢，如果女仔食就會幾麻煩下。我兩份漢堡都係配薯條，薯條就比較少，另外仲叫左個沙律。特別係佢個BURGER，作為招牌菜真係冇得輸。安格斯牛堡肉質同快餐店食到既完全唔同，平時好少食啡菇夾肉，估唔到成件事出奇地夾，唔會太飽仲好BALANCE到肉油膩感，加多D FRESH既味道。安格斯牛咬落去真心有肉汁必出黎，成個口都係唔同既味轟炸。而且比想像中大同FULL，完全係麻甩佬LEVEL既份量。叫左４樣送野加埋野飲，都都係３百幾，十分抵食。