齊柏林熱狗店 (錦薈坊)

Open Now

Now Closed

作為屯門人，之前試過鋪頭的熱狗，已經覺得非常唔錯。今次行過見過佢出左burger,所以同朋友過黎試下。漢堡包係店鋪自家制，食落同熱狗包一樣咁鬆軟。我們點了齊柏林Double漢堡餐 配港式奶茶及大薯條2塊漢堡煎得微焦，配上芝士和洋蔥碎，食落夠juicy，牛肉味香濃。港式奶茶飲落茶味夠正宗，亦都十分柔滑，估唔到有茶餐廳質素。薯條係即炸，食落香脆又有薯香味。而且加大後份量夠多，岩晒同朋友share。經典牛肉漢堡餐配野菜生活及田園沙律呢個食落啖啖肉得來，有蕃茄同沙律菜中和一下，食落都很滿足。田園沙律量算多，沙律菜夠新鮮爽脆。汁會另上，夠晒健康。齊脆雞塊有誠意，表面金黃脆身，內裡又唔會好似其他快餐店咁乾爭爭。配上BBQ醬夠惹味。呢度所有食物都係落單即叫即做，所以食落熱辣辣。而且價錢唔貴，用料又實在，值得大力支持。