Wingman (閣麟街)

Open Now

Now Closed

今日lunch想食炸雞， 記得上次在Donki附近食過一間雞翼放題好好味, 今日又心思思想去餐廳面積不太大，主要是二人枱，環境算是寛闊但鋪面較細，只要預先book位就可以確保一定有位！ 今日好旺場全場爆滿！餐廳裝修用上泥水牆及霓虹光管拼中文字設計簡約時尚，是飲酒傾計的好地方。今日想試一試這裡的炸雞Burger，店員耐心講解Burger的吸引之處，最終order了兩款口味及pop-corn chicken， 有辣有唔辣適合各人既口味。 甜薯及pop-corn chicken 炸到脆卜卜，pop corn 小小辣好惹味， 但內裡仍保留著肉汁，不會太乾身。同朋友share食，所以店員提議上枱前將Burger分成兩份，十分細心！Thunderbird burger : 雞排厚身炸出黎脆卜卜又juicy，配以千島醬及滿滿的青瓜絲及生菜，包底烘得剛剛好有濃烈的牛油香味。另外新口味Nashville burger是辣辣的惹味非常，配似紫色椰菜絲又是另一風味~ 個人比較偏愛辣的Burger真係超級好味食完返尋味。最後飲埋杯大大杯嘅凍檸檬茶，兩個人的靈魂立即返曬黎~ 醒神地繼續上班去。