Burgerman (埃華街)

Open Now

Now Closed

好耐之前食過深水埗個間Burgerman一次，今日想食埋晚飯先離開大角咀，就不如試試呢間分店啦。漢堡包有十幾款，都好多選擇，價錢豐儉由人。加$20可選配有皮薯條或薯格或田園沙律及罐裝汽水。又可加錢加配料。先去收銀落單，然後服務員會送野食俾你。鹿兒島豚肉漢堡 $98今次試試從未試過既漢堡，就係呢個鹿兒島豚肉漢堡。餐牌寫明配料有鹿兒島豚肉，車打芝士同煙肉。個漢堡用一支大竹簽固定好，有膠手套提供自己攞黎用。上層塊包烘得超脆，撤滿鹹香黑白芝麻粒。下面係一片新鮮番茄，之後係堅香脆又唔過鹹嘅煙肉，然後就係半溶車打芝士，再到主角豚肉漢堡扒，一片新鮮番茄，一塊生菜同下底塊包。主角豚肉漢堡扒豬味都幾濃。我非常欣賞連配角既上下兩塊包都認真製作，整得超級香脆可口。香脆嘅煙肉亦都非常出色。成個漢堡雖然無醬汁，不過我覺得一d都唔乾。但係食完之後，個人都係鍾意牛肉漢堡多d，貪牛肉肥d香d。果然係有心既漢堡包店，價錢是否合理則見仁見智。呢間分店既座位多好多。不過坐滿嗮都會好逼。