咖啡弄 (Closed)

當時喺咖啡弄結業前嘅早幾日先得知呢個消息，即刻趁最後機會走去食多次，以後要去到台灣先有得食啦。多年以嚟，餐牌變化不大，雖然都有唔少嘅新家菜式。🌪Oreo沙冰Oreo味道香濃，甜度適中，沙冰打得幼滑，個人覺得半溶狀態嘅時候最好飲。🌪冰鮮果茶由咖啡弄喺香港開業至今最鐘意嘅飲品，出面搵唔番呢個味道，係我最鍾意嘅水果茶，沒有之一。🌪龍蝦包麵包烘到外表金黃，外脆內軟，龍蝦肉份量亦都唔少，肉質彈牙，食落淡淡滋味。🌪士多啤梨窩夫咖啡弄嘅窩夫一直走飽肚路線，唔係空氣感嗰種窩夫😂窩夫鬆軟綿密，蛋味奶味同樣香濃，配埋酸酸甜甜嘅士多啤梨醬，的確令人回味。🌪雖然食物質素仍然好食，但除咗價錢之外，之前一直唔想嚟嘅原因同員工有好大關係，服務差之餘，就算店內多吉位都冇人執枱，唔入客，想做少啲嘅心態所有打工仔都有，但太明顯都會令食客睇唔過眼。