牛極 (大全街) (Closed)

今日行過這邊又有街抵食石燒牛餐廳，其實他都有幾間分店，主打有六款口味選擇，而湯，米飯，前菜沙律任食，入座時可以先在售票機選擇購買，今日就選一牛柳，喜歡佢夠厚身同肉質嫩滑，落單後出去自助吧整返個多麻醬生菜絲沙律，食肉前當然要食返充足嘅蔬菜，加埋個足料牛肉湯，味道真係唔錯，而石板上枱速度快，細心店員亦立即提供圍裙，在塊熱燙燙嘅石板上塊牛柳要立即切開，利用石板嘅溫度將塊牛柳煎熟，當然要加埋枱上嘅黑椒同海鹽一齊在石板上燒，牛味更香味道更濃郁！還要加埋自助吧嘅蒜蓉同燒汁，配埋碗煙韌彈牙嘅白米飯，真係十分醒胃！牛柳軟熟嫩滑，肉汁濃郁，真係可以食多碗飯！