Coffee Talks (Closed)

隨意search 旺角既cafe留意到，見到環境唔錯，又多人推介食物，琴日中午黎左食brunch。黎之前睇過menu都有心水想食咩，最想試egg benedict同waffle 。Cappuccino brûlée 跟餐減$10，即$34。唔多cafe有，所以見到就好想飲。奶泡面頭燒過既糖脆左好味，甜甜的。咖啡味濃濃的，幾好飲。牛油果煙三文魚班尼迪蛋 $98賣相真係超吸引，好靚，望到好足料。牛油果夠熟林，都幾多片，個水煮蛋好正，面頭蛋黃芝士醬加分。仲有幾多既沙律菜伴碟，推介！牛油果虎蝦意粉 $148賣相都好靚，有3隻虎蝦煎好香，意粉沾上牛油果忌廉汁，但個汁略少，意粉質感乾，同唔太食到牛油果味。抹茶紅豆窩夫 $68咁大碟哩個價錢係抵食既，擺得靚，窩夫好脆，綠茶雪糕茶味香濃，真係好食哩碟窩夫。