Coti (沙咀道)

Open Now

Now Closed

落雨天，我哋兩夫妻拍拖浪漫下，行下沿路海濱條長廊，事隔很久沒有行，原來附近開咗好多商廈食市，見有Cafe又可以坐低食飯休息下，有老公至愛嘅蒲燒鰻魚飯，價錢又唔貴喎～坐低品嚐下先，去cafe就梗要嘆啡咖啦，叫咗杯焦糖咖啡，杯面鋪滿焦香甜美的焦糖，脆脆口感，喝下甘香柔滑，入口香醇。而蒲燒鰻魚飯隨之而來，先講賣相，一大條鰻魚鋪滿飯面，掩蓋飯面，而且仲有一＂座＂炒滑蛋於頂，仲有紫菜點綴。蛋剛炒好，不但熱辣辣，蛋味香濃，仲滑啫啫~鰻魚不但大條，而且好厚肉，表面有燒過，沒有有腥味，燒汁味道較濃厚，配飯食是絕配。而我亦唔執輸，叫咗我心心念念的全日早餐，最啱我呢啲樣樣都想食的為食鬼，有柚子沙律丶酵母麵包丶煙三文魚丶炒滑蛋丶蜜味豆丶哈蜜瓜同烤雞扒～麵包軟硬適中，沙律有芝麻醬配柚子汁，醒胃好味，煙三文魚夠厚身帶咸香，燒雞扒壓到脆脆的，好好味，唔講會以為係窩夫~哈蜜瓜大大片，好清甜。想不到工廈也有出色的Cafe，味道不但驚喜連連，價錢實惠，下次要食埋其他款式先得～又有藉口去拍拖Lu～