Return Coffee House (Closed)

之前陪朋友上呢度附近一間公司拎嘢，因為要搵地方hea一陣，無意中就發現呢間門口好細，夾住係工廈中間既Cafe，見入面唔太多人，就打算叫杯嘢飲係度飲，順便慢慢坐。因為都唔認識呢間Cafe，所以就順意叫自己最鍾意既Latte，飲咗之後好surprise，因為好耐無飲到一杯咁好飲既Latte，上次飲到一杯咁好飲既已經係東京，而一直係香港飲到就唔係太苦，就係無奶味，總之帶唔到Latte既感覺出嚟，而佢呢杯Latte就真係奶同Coffee既比例啱啱好，奶味好滑，口感飲落去啱啱好。自此以後，如果真係想嚟飲一杯好既Latte，我就會走嚟觀塘嚟到飲呢間順便坐下，而且佢只係$33一杯，一啲都唔貴。