牧羊少年咖啡館 (白楊街)

Open Now

Now Closed

牧羊少年依間餐廳多數會開係大會堂位置，平日嘅我多數食lunch或tea嘅好選擇，貪佢環境舒服食物質數ok,今日陪老公去太子個邊球場踢波，係陪佢同時我就上網搵食，因為佢每次踢完波就會好肚餓，我嘅責任就係搵地方幫佢依肚，睇睇吓openrice就被我發現附近有間牧羊少年就去試試...。我哋就坐係窗邊可以望到街，因為肚餓嘅關係我哋叫咗個 ham pizza同埋一個大份嘅小食併盤，老公就揀咗杯生啤，而我當然要嘆杯西班牙咖啡啦，先講吓杯咖啡先，一嚟到先飲一啖齋咖，個咖飲落去唔會太苦後面帶有少少酸，將個雪糕max埋就剛剛好，跟住個小食併盤相當大份，D腸類本人鍾意個個芝士腸，除個皮脆外，裏面個芝士夠軟夠香，雞翼面個醬唔厚又脆，肉質又夠 juicy，而個pizza係老公一口氣食咗一大半佢個ham配埋火箭菜好好食喎，我再叫停佢我怕我連一塊都食唔到。