MUM 日常野菜料理 (Closed)

附近走走…原來附近真係無咩野行。中午肚餓要搵食，見到呢間cafe格調簡單舒服，餐牌食物好似唔錯，就入去試下啦。兩個人…叫左個小型漢堡同意粉，漢堡小小的，配佢地既醬，都幾好食，薯格就固然好食啦至於意粉…因為食完個包，已經飽飽地，個粉好似顯得有啲膩，其實味道不錯，好creamy，但真的飽飽地了。餐飲叫左杯咖啡，杯咖啡好香唔苦，好飲。突然俾我發現有咖啡雪糕，點可以唔試呢~ 雪糕佢有好多味揀，但我只會揀雲尼拿味雪糕，熱呼呼咖啡淋上凍冰冰雪糕，一流。