人和月雞煲火鍋店 (Closed)

香港天氣正式入秋啦！秋冬最岩同朋友聚會去食雞煲或者打邊爐。今次瘦編去咗尖沙咀試吓依間新開張嘅「人和月雞煲火鍋」，可以一次過滿足你兩個願望。☺️-餐廳有三款套餐選擇，瘦編揀咗中價位【特選滿足吃到飽】。首先頭盤有麻辣雞煲、韓式芝士雞煲同酸菜魚選擇。瘦編揀咗韓式芝士雞煲，雞件沾上大量韓式辣椒醬，表面仲有大量芝士碎。開火之後芝士就開始溶，做成拉絲嘅效果，好正。食完之後可以通知店員，揀埋湯底就可以打邊爐！湯底有6種選擇，瘦編就揀咗胡椒豬肚湯底，胡椒香味好濃，仲有爽口豬肚可以食！👍🏿-首先每枱會有一盤美國極品級靚牛併盤，一次性供應，之後可以叫自己套餐包嘅食物。最深刻係有特級牛胸爽，香港唔係好多打邊爐嘅地方會有，口感好爽，正！另外其他牛肉都唔錯，高級雪花肥牛油脂分佈比例平均，肉質好嫩。牛下肩同牛板腱嘅肉味都好重！任食款式仲有好多選擇，牛、豬、雞、海鮮樣樣齊，用QR code落單好方便。另外出面仲有蔬菜、丸類、飲品同甜品設自助區，甜品區好驚喜！有芋圓、小丸子、涼粉、紅豆等等好多配料，熱辣辣豆腐花勁正！大家一定唔可以錯過！-味道評分▶️🌕🌕🌕🌕🌑 (4)抵食評分▶️🌕🌕🌕🌕🌕 (5)回購評分▶️🌕🌕🌕🌕🌑 (4