Video
Read full review
2016-06-15
1150 views
之前有留意過Yam Cha呢間點心店，就係尖沙咀加連威老道附近，成座樓得幾層有食店，其中一層係Yam Cha，仲有一層係食西餐，叫Urban Park，原來係同一個集團，今日就約咗成班朋友一齊來試試。Urban Park顧名思義就係城市中的公園，原來都冇改錯名，餐廳有個好大嘅露台，行出去係人造草地，如果下午茶時間嚟到可以坐草地食Tea，仲有啲沙發椅俾人喺出邊飲酒，不過當晚我黎到已經天黑了，冇得享受花園美景，所以坐室內。入面裝修都幾型格，暗暗柔和的燈光，另有好大張吧枱，以及各式酒櫃，我們被安排坐沙發位置，座位闊落非常舒適。先來一杯免費Special Drink，只需要在facebook上打卡便可以每人得到一杯。估唔到送嘅都咁好飲，special drink呈冰藍色，一望到已經透心涼，飲落有檸檬、青檸及梳打味，甜度亦剛剛好。先來一口法包作為前菜，清清味蕾，旁邊還有黑松露牛油。Fresh "tea pot" Bouillabaisse Soup好精緻既一道菜，入面可見青口、蜆、蝦及魚柳。上枱之後店員會再倒入以茶壺盛載的法式海龍皇湯，呈橙色既湯底入口有陣陣龍蝦湯的味道，原來湯底係用魚肉、魚骨和
Urban Park顧名思義就係城市中的公園，原來都冇改錯名，餐廳有個好大嘅露台，行出去係人造草地，如果下午茶時間嚟到可以坐草地食Tea，仲有啲沙發椅俾人喺出邊飲酒，不過當晚我黎到已經天黑了，冇得享受花園美景，所以坐室內。
入面裝修都幾型格，暗暗柔和的燈光，另有好大張吧枱，以及各式酒櫃，我們被安排坐沙發位置，座位闊落非常舒適。
Special drink
45 views
0 likes
0 comments
先來一口法包作為前菜，清清味蕾，旁邊還有黑松露牛油。
Fresh ''tea pot'' bouillabaisse soup
25 views
0 likes
0 comments
Fresh "tea pot" Bouillabaisse Soup好精緻既一道菜，入面可見青口、蜆、蝦及魚柳。上枱之後店員會再倒入以茶壺盛載的法式海龍皇湯，呈橙色既湯底入口有陣陣龍蝦湯的味道，原來湯底係用魚肉、魚骨和蝦殻等熬成，而魚柳頗嫩滑而青口及蜆都乾淨新鮮，配搭龍蝦湯就好似飲緊海鮮湯咁。
Atlantic blue crabmeat pumpkin flan
21 views
0 likes
0 comments
另一道精緻小菜，名義上係法式燉蛋，不過入面充滿左蟹肉，入口蛋白係暖暖的，非常滑，外面仲包住一層南瓜蓉，店員話蛋係放入焗爐隔水燉，之後再用火槍隔住個鐵模燒，先做到咁滑既效果，果然考功夫。
12hrs slow-cooked suckling piglet
32 views
0 likes
0 comments
12hrs Slow-cooked Suckling Piglet豬脾加了香草和鹽慢煮12小時，煮完出來皮香肉嫩，咬入口外層好脆，非常惹味，另外仲配上新鮮茴香整的茴香蓉來沾豬脾，清甜新鮮，旁邊的洋蔥圈亦炸得很脆。
Whole boston rock lobster tail pasta
26 views
0 likes
0 comments
呢個意粉可能係我食過最好食的龍蝦意粉，因為一般既意粉係同醬汁分開，但呢個意粉係滲透哂龍蝦汁喺入面，除左麵質彈牙之外，仲食到濃濃既龍蝦味，原來個汁用龍蝦殻+蝦殻+新鮮蕃茄熬成，唔怪得知味道甘香濃，以傳統方法捲起意粉上枱，而且新鮮原條龍蝦連條尾，龍蝦肉彈牙，再配上魚子醬很美味。
Roasted beer can chicken
44 views
0 likes
0 comments
Roasted Beer Can Chicken 點解禽流感都有雞食？原來啤酒雞係採用阿根廷雞，所以可以放心食用，雞內醃有大量雜菜、香草同清島黑啤，所以一切開隻雞就大量啤酒味湧出黎。雞肉都幾多而且嫩，因為用左慢煮方法，但入口就唔覺得好濃啤酒味，可能煮既過程酒精已經揮發了。
另外餐廳仲整左一瓶醬油，內有雞油及黑啤，真正原汁原味，如果覺得唔夠味可以自己隨意添加，好有心思。
Motlen Lava Chocolate Pudding
46 views
0 likes
0 comments
Motlen Lava Chocolate Pudding心太軟一向是我的最愛，好喜歡佢濃濃既朱古力味同流心既效果，外層香脆，切開心太軟中間，暖暖既朱古力會慢慢流出黎，朱古力係55c belgium，朱古力濃度70%，入口唔會太甜，再配上雲尼拿雪糕同旁邊既生果，口感不錯。
100% Arabica Espresso Tramisu
42 views
0 likes
0 comments
Tiramisu入口好軟好滑，咖啡味不算好強烈，甜度同咖啡苦澀味恰到好處，滑到好似食緊雪糕咁，入口即溶的感覺。
店內多款食物都以慢煮形式，除了花時間外亦很考功夫，店員都很專業，每上一道菜都會講解一下道菜係如何製成，令我食之餘亦清楚了解餸菜的來源。
Post
