Catio

Open Now

Now Closed

位於銅鑼灣嘅樓上貓貓Café，有好多隻可愛貓貓伴你午餐🥰🥰！ 第一鐘$78，包一杯基本飲品(檸檬茶 檸檬水 朱古力嗰啲)。如果叫食物，第二個鐘就可以不收費。入去之前要除鞋/ 著鞋套，仲要消毒雙手，確保清潔，保護貓貓們。環境乾淨闊落，不會迫，又夠光猛，好舒服，適合嚟relax一下。店員會清晰講解有咪要注意，有禮貌又Nice。貓貓們散落喺不同地方，有啲會瞓覺，有啲食嘢，有啲發呆，有啲會同你玩😆😆。食物叫咗份雞肉雞蛋沙律$98，有少量新鮮雜果如蘋果和橙，沙律菜淋上香香的芝麻醬，和健康白烚黑椒雞胸&煎蛋，輕盈健康。加杯熱檸水，舒服地坐吓休息吓，又可以睇貓，同貓貓玩😀！推薦愛貓之人上嚟！