Video
Read full review
2024-03-01
46 views
小弟第一次係Open Rice 寫食評。因為真係不得不俾Like爆爆鍋囉。仲要俾好多好多好多Like添。第1個LIKE👍🏻小弟打電話book枱，接線個男仔好好態度又好好耐性。（大家都知好多餐廳嘅都會好惡又大大聲，快快手講完連ByeBye都唔講就cut咗線！）第2個LIKE👍🏻我哋坐埋枱後，waitress A 問我地係唔係第一次嚟，之後又好細心咁介紹咗個Menu。第3個LIKE👍🏻基於小弟懶得QR code 落單，便問Waitress B 可否幫我地落單。佢非常樂意，絕無嫌棄我哋。第4個LIKE👍🏻小弟六人同行，有國內朋友，有菲律賓朋友，有馬來西亞朋友。waitress B 幫我地落單時又要講英文，又要講國語，又要講廣東話。非常之有耐性又有禮貌。第5個LIKE👍🏻湯底很夠味，牛肉靚，D菜係自助。粟米好甜，小弟對芋頭唔係太好，但都覺得好好食。所有食材都好新鮮。價錢又非常之合理。第6個LIKE👍🏻食飽飽閃人行出門口時，Waitress A 其實忙緊搞清潔。但佢見到我哋逐個逐個行出去時經過佢，佢每次都會擰個頭向返住我地，望住我地講Thank you & Bye Bye, 但隻手係繼續抹緊個卡
第1個LIKE👍🏻
小弟打電話book枱，接線個男仔好好態度又好好耐性。（大家都知好多餐廳嘅都會好惡又大大聲，快快手講完連ByeBye都唔講就cut咗線！）
第2個LIKE👍🏻
我哋坐埋枱後，waitress A 問我地係唔係第一次嚟，之後又好細心咁介紹咗個Menu。
第3個LIKE👍🏻
基於小弟懶得QR code 落單，便問Waitress B 可否幫我地落單。佢非常樂意，絕無嫌棄我哋。
第4個LIKE👍🏻
小弟六人同行，有國內朋友，有菲律賓朋友，有馬來西亞朋友。waitress B 幫我地落單時又要講英文，又要講國語，又要講廣東話。非常之有耐性又有禮貌。
第5個LIKE👍🏻
湯底很夠味，牛肉靚，D菜係自助。粟米好甜，小弟對芋頭唔係太好，但都覺得好好食。所有食材都好新鮮。價錢又非常之合理。
第6個LIKE👍🏻
食飽飽閃人行出門口時，Waitress A 其實忙緊搞清潔。但佢見到我哋逐個逐個行出去時經過佢，佢每次都會擰個頭向返住我地，望住我地講Thank you & Bye Bye, 但隻手係繼續抹緊個卡位。態度很好，有禮貌，又勤力。
總結：
其實仲有好多LIKE的😉
小弟係土生土長香港人，真係好耐無試過係外面食飯食得咁Enjoy，咁舒服。
（香港好多食市嘅水準已經唔係好，重點在於D員工態度真係差到頂點。黑面！無禮貌！態度差！粗魯！呼呼喝喝！真係乜都齊。）
E+出去食個飯好似爭人錢咁，十個起碼有八個都受氣。
但爆爆鍋真係值得俾Like。特別係呢一班出色嘅員工。有禮貌，態度好，有耐性，勤力，專業，完全搵唔到任何差的一面。
真心希望爆爆鍋老闆睇到我呢段Comments (唔好意思，有啲長）
祝生意興隆，財源廣進。
無論出品及服務都一定要keep住。
重點：一定要加佢哋人工💰💰
小弟住係荒山野嶺。好少出城。
但有機會就絕對會再嚟幫襯。
Post