36
12
6
Level2
17
0
偶遇
2010-02-01 17 views
失驚無神被老友相約到此聚舊，臨去才知這店是由三里屯喬遷過來的。闊別兩年多了，是否又如(加太賀)般的失望！幸好在遠處已見人頭湧湧，咁多人坐理一條船，衰咗都抵！環境靚咗，但卻失去以前那份warm的感覺。open kitchen 哈...等你知道有得食未！不過d廚衫用深色應該靚仔d。看看那酒水牌和主餐牌，明顯強化了不少，始終銅鑼灣兵家必爭之地！餐牌內容也多元化，除牛肉還有黑豬、羊、海鮮、pasta 、青口等等。再加套餐兩款都算ok！但卻失去了當日慕名而至的All u can eat menu，及後才發覺此出位menu已淪為閃閃縮縮的一個餐種，唔問唔知、唔睇(隔籬枱)唔見！何解？？算吧！幸好其地食物質素也很不錯，小弟點了個靚扒三重奏(成五舊水)，蘑菇湯行頭，香味和湯身濃厚，收貨。至於主打三重奏經伙記介紹後由佐賀和牛起步、澳洲400日穀飼牛、最後美國DA牛肉，和牛油香和入口溶化的感覺都有齊，A5應無老點。而400日和DA肉味都很香濃、口感也很滑，不錯之選！祇是略嫌不夠熱度！個人就比較喜歡400日，肉味香而鮮，而DA那份肉香帶着的陳化味卻不是我杯荼。但一次過試哂D靚牛也值回票價！雖不見了大肚姐姐、
Read full review
失驚無神被老友相約到此聚舊，臨去才知這店是由三里屯喬遷過來的。闊別兩年多了，是否又如(加太賀)般的失望！幸好在遠處已見人頭湧湧，咁多人坐理一條船，衰咗都抵！環境靚咗，但卻失去以前那份warm的感覺。open kitchen 哈...等你知道有得食未！不過d廚衫用深色應該靚仔d。看看那酒水牌和主餐牌，明顯強化了不少，始終銅鑼灣兵家必爭之地！餐牌內容也多元化，除牛肉還有黑豬、羊、海鮮、pasta 、青口等等。再加套餐兩款都算ok！但卻失去了當日慕名而至的All u can eat menu，及後才發覺此出位menu已淪為閃閃縮縮的一個餐種，唔問唔知、唔睇(隔籬枱)唔見！何解？？算吧！幸好其地食物質素也很不錯，小弟點了個靚扒三重奏(成五舊水)，蘑菇湯行頭，香味和湯身濃厚，收貨。至於主打三重奏經伙記介紹後由佐賀和牛起步、澳洲400日穀飼牛、最後美國DA牛肉，和牛油香和入口溶化的感覺都有齊，A5應無老點。而400日和DA肉味都很香濃、口感也很滑，不錯之選！祇是略嫌不夠熱度！個人就比較喜歡400日，肉味香而鮮，而DA那份肉香帶着的陳化味卻不是我杯荼。但一次過試哂D靚牛也值回票價！雖不見了大肚姐姐、高大四眼仔，還幸當年門口那位關公妹妹仔還在，總有點親切感！至於服務方面，雖然忙中帶亂，但見班伙計盡心盡力去砌也要一讚，而且埋親枱(十秒八秒)雖急但總見用心，OK喇！總好過D伙計多過客嘅地方，個個化身楊利偉(上咗太空嗰個)！整晚唔錯.....但有件事就好離譜，這刻香港地係人都知out door係煙民集中地，indoor就係想同煙民劃清界線的地方，唔好誤會小弟有歧視，祇是想享有d清新空氣而已，但在這餐廳先有被輕輕油煙味輕薄的感覺，繼而有被濃濃香煙味强姦的感受！大哥，你打開d門窗同吸煙區溶為一體我走得去邊？眼見不少客人也有反感和回應，(常駐門口笑容可嘉的)經理哥哥，俾d反應都好啩！一係訂枱時話清楚，全院都無分户內户外、吸唔吸煙區，等我地d麻煩人有得選擇一吓，唔係嚟到走又唔係...！話哂我地都唔係二打六之消費者！不過整體實屬不錯，如有非吸煙區，我一定約埋四大天王重温舊夢...All u can eat是也！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2010-01-29
    Spending Per Head
    $500 (Dinner)
    Recommended Dishes
    • 靚扒三重奏