莆田 (利舞臺廣場)

Open Now

Now Closed

聖誕節一家人搵啲好食地方晚飯，揀了利舞台廣場的莆田，方便之後行工展會。大多數菜式都很出色。四小盤有紫菜，鹵水豆腐，豬手凍及九轉小腸。這些頭盤應該必試。白蘿蔔羊腩，莆田茘枝肉，烤豬手都很出色。不過這跟福建菜無乜關係吧?扁肉湯的皮很Q，湯帶一點醋味，唔會咁易有飽滯感。興化米粉算唔錯，應該一試。我略嫌燜苦瓜的苦瓜味有點薄可重些，不過這不是大眾口味了。燜豆腐雖然是推薦菜式，不過我覺得同我們粵菜的老少平安差不多。而糖醋炸皮蛋及荔枝汁的炸物併盤就比較一般。不是不好，是無乜特色。我對菜式基本很满意，但其實以前在福建吃過當地本土菜，口味與莆田其實是兩樣。我情願當莆田是新加坡菜，但會再回來幫親。另外莆田可能太多人幫親，我們7時50分已差不多吃完，但有少少菜尾，服務員已急急腳收埋碗碟，都唔得閒問我們要不要收碗碟及要甜品，之前尚可的服務態度可算衰收尾。