Video
Read full review
2023-01-12
234 views
莆田貴為米芝蓮餐廳，之前已經食過佢哋嘅撚手小菜，水準高質又好食，最近新年推出咗鴻運套餐，由兩個人到十人份量都可以選擇，套餐食材豐富，有中國人最喜歡嘅盆菜，鴻運發財魚生即係撈起，意頭滿滿，今日就去到銅鑼灣分店提早同朋友仔食過團年飯，大家有興趣就快啲訂位喇👍🏻👍🏻🧧鴻運套餐 Fortune Set Meal 二人前 $ 998🎏▪️鴻運發財魚生（鮑魚）12種食材即是撈起，寓意風生水起，用上十二種福建傳統食菜切成幼絲，包括有瓜英絲，冬瓜糖，桔餅，柚子肉，錦菜絲白蘿蔔絲，紅蘿蔔絲，翡翠冬瓜絲，唐山白姜絲，甜蘇紅姜絲，糖香櫞絲，小鮑魚，再配合自家製嘅調味醬汁，薄脆，撈勻所有材料一齊食，口感爽脆，味道酸酸甜甜，非常開胃，又好意頭🧧🥘▪️盆滿缽滿鮑魚大蝦盆菜 兩個人食盆菜一樣精彩，材料滿滿，一樣係有十二種上好的食材，包括有海參，鮑魚，瑤柱，燒肉，花膠，海髮菜，大蝦，雞翼，蟶乾，花菇，炸芋芯，福州魚丸，每樣材料非常入味，醬汁就是盤菜最傳統的蠔油醬汁，好食🎋▪️蘆筍XO醬帶子 蘆筍炒得好爽脆，配合微微辣嘅XO醬，乾蔥，蒜頭，黃椒，紅椒，令到帶子好入味，整道菜少少辣好惹味🫕▪️黑蒜番鴨湯 全晚最精彩，燉湯用鴨肉，
莆田貴為米芝蓮餐廳，之前已經食過佢哋嘅撚手小菜，水準高質又好食，最近新年推出咗鴻運套餐，由兩個人到十人份量都可以選擇，套餐食材豐富，有中國人最喜歡嘅盆菜，鴻運發財魚生即係撈起，意頭滿滿，今日就去到銅鑼灣分店提早同朋友仔食過團年飯，大家有興趣就快啲訂位喇👍🏻👍🏻
🧧鴻運套餐 Fortune Set Meal 二人前 $ 998
🎏▪️鴻運發財魚生（鮑魚）12種食材
即是撈起，寓意風生水起，用上十二種福建傳統食菜切成幼絲，包括有瓜英絲，冬瓜糖，桔餅，柚子肉，錦菜絲白蘿蔔絲，紅蘿蔔絲，翡翠冬瓜絲，唐山白姜絲，甜蘇紅姜絲，糖香櫞絲，小鮑魚，再配合自家製嘅調味醬汁，薄脆，撈勻所有材料一齊食，口感爽脆，味道酸酸甜甜，非常開胃，又好意頭🧧
🥘▪️盆滿缽滿鮑魚大蝦盆菜
兩個人食盆菜一樣精彩，材料滿滿，一樣係有十二種上好的食材，包括有海參，鮑魚，瑤柱，燒肉，花膠，海髮菜，大蝦，雞翼，蟶乾，花菇，炸芋芯，福州魚丸，每樣材料非常入味，醬汁就是盤菜最傳統的蠔油醬汁，好食
🎋▪️蘆筍XO醬帶子
蘆筍炒得好爽脆，配合微微辣嘅XO醬，乾蔥，蒜頭，黃椒，紅椒，令到帶子好入味，整道菜少少辣好惹味
🫕▪️黑蒜番鴨湯
全晚最精彩，燉湯用鴨肉，黑蒜燉咗好多個鐘，眼見湯頭已經好濃郁，而且一啲油都冇，入口非常清甜，湯汁吸收晒黑蒜和鴨味道，原汁原味
🍜▪️媽祖平安麵
這個套餐每樣食材都花心思，呢一個平安面福建人傳統祈求全家平安嘅一個意頭，湯頭濃郁，麵條細滑，配合多種食材，五花肉片、紫菜、花生米、豆腐皮，鮮蝦，雞蛋，香菇，蔬菜，味道非常鮮味，雖然已經好飽，但係實在太好食，必食推介
🍯▪️芋圓花生湯
甜品是每一餐完美的終結，這道甜品用上花生熬成嘅白湯，充滿花生的味道既甜湯，再配合煙煙韌韌嘅芋圓，全部食材唔太甜，第一次食覺得好得意又好食😋
Post
