Abbraccio

食物幾好，環境舒服，服務態度非常好。醒目，又有心嘅餐廳同職員今日同朋友慶祝生日，其實都無乜期待，只係想二個人食餐好，食下個景，所以訂位時係open rice揀生日、remark坐outdoor，就無要求其他。佢下午打黎同我confirm訂位，佢話見到我揀生日，想問下壽星個名點串，想幫我mark定，係我會嗌嘅野食上面寫名。去到嘅時候，每一位侍應都好好態度，每位都有笑容。負責我地張枱嘅侍應，好耐心咁介紹個餐牌，尤其係我地都拖左幾耐決定唔到食咩嘅時候，佢一啲唔耐煩嘅語氣都無。再黎，因為我怕我係電話講得唔清楚我朋友個名，會寫錯，所以我趁朋友去左廁所嘅時候走去同佢地confirm。咁岩佢地想覆我嘅時候，我朋友返左黎，佢地即刻扮無野，等我朋友坐底左、背返住佢哋嘅時候做手勢話俾我知已經確定好。雖然呢樣係好微細嘅事，但講真嗰句，今時今日醒目同埋有心嘅餐廳同職員已經少之又少。都食完飯上甜品嘅時候，主廚同一班侍應特登出嚟同我朋友唱歌慶祝生日，我哋覺得佢地真係好有心，令到成個體驗到非常好。所以好想特登留返個留言支持吓。