昌哥粵菜館

Open Now

Now Closed

呢間中菜餐館的大廚功夫了得，煮出美味的舊式粵菜，實在難得。佢嘅八寶鴨非常精彩，味道掌握得非常好，我好怕太甜嘅八寶鴨。佢炆燉嘅功夫都非常高，因為八寶鴨入面讓咗嘅材料如果唔夠火候就會太硬，始終包咗喺起咗肉嘅鴨皮入面係男掌呃啲，但係呢度嘅師傅就做得好好，提提大家呢個餸係要預訂嘅。第二精彩一定係呢個咕嚕肉，好耐冇食，真係用山楂汁做嘅咕嚕肉汁。 涼瓜炒蛋呢啲咁簡單嘅餸都做得好好食，涼瓜爽脆，炒蛋又夠嫩滑，而且蛋味好香。呢碟甜梅菜蒸菜心又係好出色，梅菜嘅味道雖然重，但係又冇搶走菜心嘅鮮味，又係掌握得好好。椒鹽鮮魷冇得彈，炸嘢冇乜油真心佩服，炸粉唔會太厚，啱啱包住魷魚，魷魚新鮮彈牙。呢個莧菜又係好好食，好嫩好新鮮。